中國遊客當香港迪士尼樂園係佢地自己既屋企

2005年9月14日

標榜整潔、秩序、完美既香港迪士尼樂園,第一日有一萬六千名遊客入場,其中三分之一黎自中國。由於中國遊客既文化、禮貌同埋公德心都好鬼差,攪出一幕幕既「文化衝擊」,影衰晒香港人。

有媒體記者目擊夢幻的睡美人公主城堡前,一條小水柱射向路邊,原來係一個三歲男童在母親既督促下,光著屁股晌花叢痾尿,部分「肥料」仲淋到成地都係。男童後來仲露鳥晌廣場上奔跑。男童既母親表示佢地黎自廣州,因為晌廁所好唔方便,指示又唔明確,一時尿急,於是就地解決。此外,香港媒體拍到的照片亦包括一名兒童晌園內一間餐廳旁邊小便。

當管理員冇到   食煙兼帶私貨

香港迪士尼樂園話到明唔准遊客將食物帶入園,但唔少中國遊客仍然係自備食物充飢。黎自廣州既張先生特別講究,晌「明日世界」既餐廳食飯果陣時,攞出一包私房茶葉,放入餐廳免費奉送既滾水沖茶飲,佢話:「仲係我鄉下既茶香醇。」

樂園規定只有指定區域可以食煙,但唔少中國遊客懵然不知。無論餐廳、露天座椅、垃圾桶旁,都有中國遊客肆無忌憚吞雲吐霧。「明日世界」餐廳侍者私下表示,好多中國遊客都食煙,勸阻又擔心佢地唔高興:「我地香港人淨係敢委婉地問中國遊客,我幫你整熄支煙,抑或你自己整熄?」園方一位清潔工表示,同開幕前既預演日相比,開幕日既煙頭多出許多。

除衫除鞋 打橫訓晌張凳上面

由於樂園裡缺乏遮蔭處,因此晌「美國小鎮」大街兩旁開冷氣既商店,經常「坐」滿遊客。有唔少中國遊客坐鄏a下乘涼,甚至有中國遊客除晒面衫,淨係著住一件背心底衫,亦有人除左對鞋做赤腳大仙,打橫訓晌張凳上面,或者坐晌展覽室既地氈上。呢d畫面晌中國既風景區一d都唔出奇,但係晌迪士尼樂園發生就好得人驚。

排隊打尖 污糟躐蹋

有d香港遊客睇唔順眼,向園方投訴中國遊客秩序混亂,排隊爭先恐後、排隊打尖、任意跨越圍欄、廁所污糟,但係即使職員費盡唇舌勸阻,仍然無補於事,只能勤快收拾善後。迪士尼員工好少上前阻止呢種「文化衝擊」,反而多數採取「補救」措施,一睇到地下有垃圾就即刻執起,廁所只要俾人光顧過,廁所清潔工就即刻洗廁所,確保樂園整潔形象。

晌《獅子王慶典》歌舞劇表演既時候,雖然廣播講明唔准用閃光燈影相,以免演出者發生危險,但係閃光燈照舊「此起彼落」,職員逐一勸阻,轉過頭來閃燈又起,經過多場表演多次規勸無效,有d職員索性放棄規勸。開幕當晚,竟然仲發生中國籍男子搶案。

根據旅遊發展局統計,今年上半年訪港旅客共一千一百萬人次,以總人次而言,中國遊客仍高踞榜首,超過一半達五百八十八萬人次,平均每天三萬多人次,可以預見,迪士尼開幕後中國遊客實係仲多。

香港財經事務局局長馬時亨就指出,無論係晌銅鑼灣抑或晌旺角既百貨公司和商場,中國遊客都係最豪氣既消費者。投資推廣署估計,中國遊客去年人均消費六千零一十八元港幣。

消費豪氣 商家財神

中國遊客黎香港消費既主要原因係因為香港貨物免稅,進口既商品款式和種類更新更多,商店多元化。中國遊客睇到有d家居日常既商品,亦照舊大批入貨,因為晌香港唔容易買到假貨。

香港迪士尼樂園開幕後,唔駛講十三億人的市場,就算係廣東一帶,做人父母既,邊個唔想一世人一次帶個細路仔黎香港開眼界?搭迪士尼順風車既香港零售業者,發啦! 發啦!