港獨有乜唔得!

林鴻達(Jacky Lim)
2014年11月7日

「香港獨立」或簡稱「港獨」不單是中共欲去之而後快,或作為批鬥遮打革命的名詞,在香港本地政壇也視為禁忌,原因不單是怕變成中共針對對象,更是從1980年代的「民主回歸」發展到近年好一句「建設民主中國」口號之下成為一個大逆不道的話題。

不過,無論中共、港共、土共以至泛民,對呢個議題從來都不敢公開對應,極其量也只在網上大咀砲,而講嚟講去都係嗰啲論點。那就來一次自問自答

共匪篇

香港就是中國嘅地方,不容分割出去
你都痴線嘅!乜嘢叫中國嘅地方不容分割呀?海參崴、伯力、外興安嶺唔係中國地方呀?駛唔駛問下死過翻生嘅江澤民呀喂!

香港自古以來就是中國嘅領土
你都痴線嘅!1911年10月10日之前地球上有邊度叫中國呀?

中國就係五千幾年歷史嘅國家
你都痴線嘅!你咁堅持中史所教嘅1911年10月10日之前地球上係有中國呢個國家嘅,叫習近平立派兵去哈薩克、吉爾吉斯、土庫曼、阿富汗、伊朗,收復呢啲响公元1271 - 1368年期間嘅中國領土!

如果唔係英國佬賣鴉片毒害中國人,香港就唔會有百幾年唔係中國管治
你都痴線嘅!差佬拉極都仲有人賣K仔忽得搵大錢,你唔食?! 賴英國佬喎,不如搵問米婆,召道光皇帝上嚟問下佢做乜咁鍾意索五石散,跟住自己食埋鴉片一份吖!

三條不平等條約就是無效 你都痴線嘅!打敗仗條約就是不平等,咁日本依家叫要攞返台灣,德國要佔領返捷克、波蘭、匈牙利都得啦!

要不是中央恩賜香港,還有吃的喝的要不是祖國供應,你們完旦了
要不是以前港燦帶油帶米大熱天時著十幾件衫過關,你們餓死冷死啦!要不是香港賣的奶粉,王光亞個孫女都無奶飲呀!
米是泰國的,雞翼豬扒是巴西的;又要不是「發展就是硬道理」,香港有足夠菜田,駛鬼啲乜春供港菜場呀!

香港人就是中國人,所以香港就係中國嘅
你都痴線嘅!無綫報新聞個差妹利君雅,拍戲嗰個阿差喬寶寶,成日扮警察嘅死鬼佬布偉傑同河國榮,仲有蝦仔嗲哋嘅賈思樂、荳芽夢嘅露雲娜......係咪中國人呀?! 搭城巴見到個司機係巴基嘅你咪上車吖笨! (頭盔:「助語詞」絕非侮辱佢哋,全因對住共匪係需要咁講嘢)

小弟仲可以伸多兩腳:我有1/4婆羅洲土著血統,咁我係咪中國人呀?毛澤東夾埋陳平、仲有周恩來夾埋蘇嘉諾蘇哈圖呃咗去建設偉大社會主義祖國,後來又被趕出嚟香港嗰幾十萬又係咪中國人呀?

總之香港是中國的,你們唔滿意就走
你都痴線嘅!香港你哋架?! 咁滿意中國共產黨領導國家嘛,但點解唔响返「祖國」生活而要嚟香港吵吵鬧鬧呀!習近平啲仔女都係美帝英帝國籍的,你唔叫佢哋返去「祖國」?!

泛民篇

香港同中國從來都係關連著的,所以香港唔應該分裂出去
你都霎憨嘅!香港响1842年1月26日出現於地球之上,1911年10月10日之前地球上無一個國家叫中國,點樣從來都有關連呀!

如果唔係鴉片戰爭,然後三條不平等條約,香港就唔會落响英國殖民手上
你都霎憨嘅!英國佬賣鴉片就要食架喇!咩叫「不平等」呀?! 日本同德國都係戰敗國,咁日本攞返台灣,德國恢復捷克、波蘭、匈牙利嘅主權,咁好唔好吖?!

香港回歸咗祖國,香港嘅政制發展要考慮埋「內地」嘅因素嘛
你都霎憨嘅!香港人買唔到奶粉嘅時候,祖國有無顧過香港嘅情況呀?!考慮乜鬼因素呀?聯合聲明白紙黑字都唔駛跟呀?依家中國共產黨走數你唔去鬧,反而叫香港人忍?個腦唔舒服就去檢查下啦!

香港回歸咗祖國,香港嘅政制發展就係要嚟推進國家走向民主
你都霎憨嘅!中國裡面嘅人要唔要民主,關香港人屁事呀!你唔叫蘇格蘭人要建設民主英國?唔去叫加泰隆尼亞人建設民主西班牙?咁在意「建設民主中國」,遷居深圳河以北啦!

香港回歸咗祖國,中央就唔會俾香港離開架啦
你都霎憨嘅!民主係從下而上授權,呢啲嘢你哋成日講架喎,等中央「俾?」咁即係好似等皇帝奏准啦,咁仲講乜嘢民主呀,你哋過主啦!

香港咁細,無可能獨立囉
你都霎憨嘅!新加坡仲細過香港

新加坡係被迫獨立,無得咁比較喎 你都霎憨嘅!新加坡係公投自決離開英國,咁你哋有無要求過香港要人民自決吖?!
係被迫獨立,但獨立後嘅發展勁過祖國馬來西亞多多聲喎,咁你哋當睇唔到架?!

香港無一個好似李光耀咁嘅人,點獨立呀
你都霎憨嘅!你哋唔識做李光耀架?? 大一統上腦唔願做就過主啦!仲有呀,社會上可能有人想做又識做李光耀,但你哋班大一統上腦嘅人阻住晒呢仆街!

香港唔能夠無咗「內地」呢個靠山,市民唔駛食咩
你都霎憨嘅!二戰後香港嘅發展成亞洲四小龍,有幾多係靠「內地」呀?! 工廠造啲貨出口去中國架?就算你係都要諗住東江水,點解唔諗海水化淡廠呀?平過東江水呀!

總之香港唔能夠同中國分開啦
你都霎憨嘅!乜嘢叫做唔可以分開呀?東帝汶要永遠俾印尼欺負架?愛沙尼亞拉脫維亞立陶宛趁蘇共倒台獨立就大逆不道呀!



香港獨立? 咪玩啦!

林鴻達(Jacky Lim)
2014年8月31日

响好多香港人心目中,呢個題目係無討論空間,因為腦海只會浮現出「無可能」呢三個字。但建基於嘅想法,來來去去都係「Size 咁細」「香港係中國地方」「呢個時勢唔靠中國靠邊個」「無軍隊點同中國共產黨撐呀」之類。但呢啲係咪真係原因,定還是香港人嘅思維邏輯看不通?

首先,Size根本就係一個偽命題,世界上有不少國家的面積與香港相若甚至更細小, 但都有相當經濟及政治成就。例如面積只是香港兩倍多的盧森堡, 既是歐洲空運樞紐之一, 現時是歐元區內最重要的私人銀行中心, 2011年國民平均GDP達 USD113,000;

面積只有香港八份之一的列支敦斯登, 以紡織、陶瓷與精密電子工業, 與及郵票設計發行等維持國家收入;

當然不得不提鄰近香港的新加坡, 1965年獨立時的面積600平方公里都未夠, 人口僅約220萬;當時還要面對經濟崩潰邊緣、衛生惡劣、種族不和的問題, 但結果卻擠身「亞洲四小龍」之一。

「香港係中國地方」呢個講法,就同中國共產黨成日話「XXX係自古以來中國領土」一樣咁硬膠。論歷史,「中國」呢個國家在1911年10月10日才於地球上出現,在此之前,只有「大清帝國」、「大明帝國」…… 但「香港」呢個地方就是在1841年1月26日在世界上正式出現。即係話香港從來都不是中國的地方,1997年7月1日絕不是「回歸」而只是「主權移交」。

當然的,這種想法是存在普遍香港人腦中,原因是中學級「中國歷史」科對香港只有這樣的描術:

「英國等歐洲列強販賣鴉片毒害中國百姓,林則徐虎門銷煙而英國不滿,於是發動鴉片戰爭,最終『中國』戰敗,被迫簽訂充滿不平等條款、喪權辱國的《南京條約》,香港從始就落入英國殖民統治之下」

但對比「西史」科的內容編訂手法,清朝中葉開始出現嘅衰落,史稱為「嘉道中衰」開始,為何會有這麼多大清國子民沉淪毒海;鴉片戰爭之前和戰事期間,清國政府有無做錯嘢,甚至係做「柒事」,這些應該有的內容卻沒有在「中史」科出現。不說別的,清國領軍的楊芳搞出一個馬桶陣,已經笑壞人個口啦。還有的,戰敗而割地賠款是「不平等」的話…… 日本都可以用呢個做理由拎返台灣喎,德國可以搶返捷克、波蘭!!!! 所以,香港人的歷史觀和衍生對香港的地位觀念是非常超錯。

「背靠祖國、緊握機遇」唔單只係共匪們常掛口邊的統戰說話,又是跟中國有商業關係的人的老生常談。不談「花無百日紅」或是中國經濟危機這些還有不少人認為的危言聳聽,97前的日子,特別是1960-80年代,香港的經濟活動、社會生存資源係靠中國?! 唔計田元灝、唐翔千、陳永棋之流炒賣Quota,香港的成衣製品是賣去歐美的;鐘錶、玩具、塑膠膠品,香港又係出口「大國」。要不是鄧小平「給港商優惠」引誘晒啲廠佬北移,點會搞成咁!

糧食主要從越南、泰國、菲律賓、台灣等地入口,現在香港人還是食泰國米為主;每日仍然有「沙巴大龍躉」「印尼龍蝦」空運來港,婚宴要有嘅「乳豬全體」大部份是來自越南。又要不是政府懶理農地非法改建,甚至搞個「新界東北發展計劃」要除所有農地,駛鬼食咁多唔知係咪有毒嘅大陸菜!

要是香港能跳出「工業就是Mass Production」的框框,針對香港人能應付設計、造工的(HIGH-END MARKET),重振工業,有返一個相對完整的經濟結構,使靠大陸!依家只不過中國共產黨唔想香港嘅經濟不向中國依賴,先至不去推動,甚至搞個「起動九龍東」嚟鏟除工業區。至於農業,「已發展」農地已恨錯難返,但日本、新加坡、台灣已不斷研究新科技耕種技術,香港大可以照板煮碗。當然,必須提到淡水資源,但新加坡大力發展的海水化淡廠,預計到2030年供應全國50%淡水供應。香港只要跟隨推動,也就不用每年向粵海投資提供過百億貪污黑錢。

國防問題不在於香港有無能力策組自己的防衛部隊,而係港媽港爸一聽到「服兵役」呢三個只會聯想到「要仔女去送死」而情願離開香港移民他方遠走高飛。

新加坡由1965-1971期間嘅防務工作係交俾英國處理,期間就開始籌組自己的武裝部隊;新加坡亦知單靠自己能力並不足夠,於是就透過包埋馬來西亞嘅「五國聯防協議」聯同英國、澳洲、紐西蘭進行防務。香港要搵軍事靠山有幾難? 不過,反殖上晒腦嘅傻仔睇怕又只會話咁即係縱容外族侵擾香港.....

其實,只要認真回顧二戰後至1997香港歷史,必定清楚見到香港社會同經濟運作有如一個獨立國家嘅事實,唯一缺憾就是只欠中國共產黨拿作柄的民選政府。又同時地,好多港人談到「英國管治」又只會想到「不公義的殖民主義」,因而不敢把「不如叫英國佬返嚟管」宣之於口。事實上,1959-1963年新加坡自治領,或是現在已改稱為「英國海外屬地」的地方,例如直布羅陀、百慕達,英國佬都係擺個總督响當地坐陣,為民選國會、政府做橡皮圖章就算,完全「管都費時管」。這種政治制度又剩下幾多「殖民主義」色彩呢?

中國共產黨已經將香港人迫埋牆角,還死抱那些被共匪利用嚟玩盡香港嘅落伍、封建思維,唔放眼世界,真的只有死路一條。望返清楚香港到底有何路可走吧!